ಮನ ತುಂಬಿ ಬಂದಾಗ..

ಅಂತಃ ಕರಣ..

ಲಗಾಮಿಲ್ಲದೇ ಓಡಿತು ಮನವು ಹುಚ್ಚು ಕುದುರೆಯಂತೆ..
ನಾ ನಿನ್ನ ನೋಡಿದ ಕ್ಷಣದಿಂದಲೇ..
ಅದೇನು ಮಾಡಿದೆ ನೀನು, ನಿಲ್ಲದಾಯಿತು ನನ್ನೀ ಮನ..
ಹಳಿದೆ,ಹಂಗಿಸಿದೆ,ಬೇಗುದಿಯಲಿ ಬಸವಳಿದೆ..
ಕೊನೆಗೊಮ್ಮೆ ಕೇಳಿದೆ ಮನಕೆ, ಹೇಳು ನಿನಗೆ ನಾ ಬೇಕೋ ಅವಳೋ..
ಇದೇನು ಮರುಳು, ಮನವೆಂದಿತು ನನಗವಳೇ ಸನಿಹ ನೀ ಅಲ್ಲ ನಲ್ಲ..
ನಕ್ಕೆ ನಾ ತುಟಿಯಂಚಲಿ, ಹೇಳಿದೆ ಮನಕೆ,

"ಹೇ... ಹುಚ್ಚು ಕುದುರೆಯೇ, ತಪ್ಪು ಮಾಡಿದೆ ನಾ ನಿನಗೆ ನೀಡಿ ಸ್ವಾತಂತ್ರವ. ...
ಹೊಡೆದು ಕೊಲ್ಲುವೆನಿನ್ನ ಅರ್ಥವಿಲ್ಲದ ವ್ಯರ್ಥ ಪ್ರಯತ್ನವ..
ಕಟ್ಟುವೇ ನಿನ್ನ ನನ್ನ ಎದೆ ಕಂಬಕೆ ಎಂಜಲ ತಿನ್ನುವ ನಾಯಿಯಂತೆ..
ಬಡಿದು ತಿದ್ದುವೆ ಮನೆ ಹಿಂದೆ ಮೇಯುವ ಪೋಲಿ ಗೂಳಿಯಂತೆ..
ಮತ್ತೆ ಜನಿಸುವೆ.. ಮತ್ತೆ ಮೆರೆಯುವೆ.. ಮತ್ತೆ ಹುಟ್ಟುವೇ ನಾ ನಾನಾಗಿ..
ನನಗಾಗಿ.."